الحزن كاسى كل شىء
حتى الشوارع والبيوت
متلونة بلون الألم
وكأنه خيط عنكبوت
الحزن بقى زى الهوا
مرض عضال ومالوش دوا
مزروع مابين الضلوع
لو عشنا من غيره نموت
الحزن حضنه يساع كتير
فى وجوده يبقى الشوف ضرير
والحلم يصبح طيش شباب
والحب نسمة ربيع بتفوت
بيان من قلب اتملى احزان
اوعوا تفتحوا للحزن البيبان
ده لو سكن جوه القلوب
هيخلى اى كلام سكوت
هناك 12 تعليقًا:
دندووووووووون
ده اقل واجب يادينا يعنى انتى شايفة الحياة ومشاكلها والدنيا كلها بقت مآسى وواجبى اخفف عنك انتى وكل اللى بيدخلوا مدونتى
فعلا وقت الحزن بنحس ان الدنيا ضلمة وكل الابواب مقفلة بس سبحان الله فجاة بننسى اى حزن وهكذا احياة مش بتدوم على وتيرة واحدة
وربنا يبعد عننا الحزن
اسمعى الدنيا ربيع والجو بديع
السلام عليكم
لول الحزن ما كان الفرح ولكن المهم هو كيف نواجه الحزن؟
السلام عليكم ورحمه الله وبركاته
ماأجمل كلماتك الى سطرتيها بيدك
ولاتنيى الدعا
اللهم انى اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبه الدين وقهر الرجال
والله الموفق
مجرد خواطر
وعليكم السلام ورحمة الله وبركاته
صدقت وايضا الحزن لايستمر
نواجهه بالايمان والتقرب الى الله
الاخ\مصطفى الطيب
وعليكم السلام ورحمة الله وبركاته
سعيدة ان كلماتى نالت اعجابك
احفظ الدعاء عن ظهر قلب
ولولا الدعاء ماخمدت نيران الحزن
مزروع مابين الضلوع
لو عشنا من غيره نموت
تصدقى أيوه بقيت ساعات بحس اننا (أو أنا شخصيا) بقينا بنحب الحزن والكابه وبقيت من مستلزمات حياتنا اليوميه لو الواحد غاب عنه الحزن يوم بقى بيفتكر حاجات تزعله وتنكد عليه. مفتقد أيام الكليه والشقاوه والرحلات والانطلاق من غير هم أو حزن بس حقول ايه بقى.....الحمد لله
اخى\محمد داوود
انا بالعكس لست من الشخصيات التى تهوى الحزن او تميل الى الكآبة بل املك بعض التفاؤل والروح المرحة واهوى الضحك لكن الحزن اصبح مفروض علينا امر واقع مثله مثل اشياء كثير فرضت علينا
اللهما بعد عنا جميعا الحزن
بيان من قلب اتملى احزان
اوعوا تفتحوا للحزن البيبان
ده لو سكن جوه القلوب
هيخلى اى كلام سكوت
حلوة الكلمات دي قوي
وبتفكرني برباعيات جاهين
الدنيا من غير ربيع ميتة
ورقة شجر ضعفانة ومفتفتة
لا يا جدع غلطان تامل وشوف زهر الشتا طالع في عز الشتا
وعجبي
تحياتي
سمراء
العزيزة .. ايمان .. دمتي في حفظ الله ورعايته
ما شاء الله
بالعربية .. بالعامية .. بالسياسية .. بالكوميدية .. بالفلسفية ..
هي .. تقول ما تشاء
هي .. رمز الأوفياء
هي .. النقاء
تقبلي أطيب تحياتي
سعيد فياض
السلام عليكم ورحمه الله وبركاته
صديقتى ايمان
ماأجمل كلماتك التى قراتها لكِ
ولكن هنا لحظه فراق
صديقتى دمتى بكل حب وخير
فالنفترق
صديقتى انتِ مش المقصوده بالكلمه دى
انما الكون باكمله
والله الموفق
تركت بوست اخير
اتمنى ان تذهبى لمدونتى وتقرائيه
الحزن كاسي
هنا احط رحالي لينسكب حبري لعلي اعبر عما في قلبي من حزني يتملكني فأن قرأت كلماتك اجد نفسي انا من تكتب هاهي العاشقة تمر بديارك تلقي التحية
العاشقة قلب أنكسر وجرح غائر لن يندمل
هو الحزن ..
يكسو ملامحنا بما تواتر علينا من هموم
وبما نراه كل يوم
من هزيمة لآمالنا
......
سلامي إيمان الغالية .
إرسال تعليق