أنا واحلامى مركب ورق
بيقاوم الموج والغرق
مجدافـــى قلبـــــــــى
من غيره يغرق مركبى
ياشمسى اوعاكى تغربى
انتى ونيسى فى وحدتى
ومصبرانى على غربتى
ومقويانى على دنيتى
انا صحيح مركب ضعيف
مش قد بحر غريق مخيف
فيه الربيع زى الخريف
ضيع طريقى من زمــــــان
مالوش بر ولا له امان
موجة تشيلنى وموجة ترمينى لبعيد
الشط ضاع منى اكيد
ومركبى محتار شريد
لكنى مجدافى عنيد
هناك 17 تعليقًا:
بجد جميلة جدااا
رائعة
بس لو حتي المركب ورق
لو حتي الموج عالي
احلامك الجميلة تقويه وتخليه يتغلب
بروحك القوية علي ضعفه
تحياتي لابداعك
الرائعة ايمان
ماشاء الله عليكى
تعرفى كلنا مراكبنا ورق
حسيت انك بتكلمى بلسانى
وبلسان الابنودى وبصوت محمد منير
حسيت بالاصالة والروعة بين سطورك
مبروك على المدونة لينا قبلك
وعلى فكرة بنستعد لعمل جروب للندونين والمدونات البورسعيدية على الفيس بوك ياريت تبقى معانا
تقبلى تحياتى
ودمتى بود
ميرسى جدا ايمان على اشعارك الجميلة وعلى مدونتك الرائعة اتمنالك التميز الدائم
ايمان
رائع جدا ...
ألف مبروك يا ستى على المدونة الجديدة ..
أرق تحياتى وأمنياتى لكِ بكل سعادة ..
تقديرى
اختى وصديقتى الغالية\دينا
اختيارك فيه حزن كبير
يارب انا وانتى وكل اللى تايه يلاقى بر الامان
بنت الاسلام
اشكرك على كلامك بجد اسعدنى وحمسنى
اخى العزيز \طارق
الابنودى ومنيرة مرة واحدة انا غلبانة ومركبى ورق
سعيدة ان كلامى دخل قلبك
اكيد معاكم باذن الله يشرفنى
احمد المصرى
سعيدة بتعليقك جدا واعجابك بمحاولاتى
ماتروحش بعيد
يحيى
الله يبارك فيك
ويارب اكون عند حسن ظنكم
عزيزتى ايمان
عزيزتى
ادعوكى للاشتراك فى جروب مدونى بورسعيد على الفسيبوك
http://www.facebook.com/group.php?gid=16270740901
مع امنياتى لكى بالتوفيق وتحقيق كل امالك واحلامك
اهلا ايمان انا صاحب مدونة من انا ؟
احمد عرفة علي مكتوب مبروك مدونتك الجديدة
لشط ضاع منى اكيد
ومركبى محتار شريد
لكنى مجدافى عنيد
أحيانا كثيرة نفقد القدرة على العناد ذاته .
جميل أن يظل الامل لديكِ ايمان .
تقبلي تحياتي .
wwww.almwalon.com
صديقك
محمد وجدي
مبروك ايمان بدايه موفقه ان شاء الله سعيد جدا بها المدونه وها الاسم الجميل(مركب ورق)رغم انه معناه له الف تفسير
ربنا يكرمك ويوفقك ان شاء الله
مبارك لكي المدونه
جمالها نادر الوجود
علائها اسمي ما فيها
تحياااااااااااااااتي
استاذ احمد عرفة
الله يبارك فيك
سعيدة بمرورك
اخى العزيز\محمد وجدى
احيانا لانملك الا التفاؤل حتى ولو كان غير ممكن
الله يبارك فيك يامجد
كل واحد يفسر الاسم بطريقته وتفكيره
وسعيدة لمرورك
العزيزة ايمان
كعادتك .. تكتبين الكلمة التي تشعرين بها .. يملؤها الصدق ويعدو بين أوصالها
فإذا ما انتهيتي من نسج خيوطها .. تسابقت القلوب لاستقبالها ..
رائعة كلماتك ..
تمنياتي بدوام التقدم والابداع
سعيد فياض
إرسال تعليق